Bilboko Emisio Baxuen Eremua (BBE) Euskalduna zubiaren eta Bailen kalearen artean mugatutako eremua da, itsasadarrari jarraituz, Autonomia kaletik Zunzunegiraino, eta Sabino Arana kaletik Euskalduna zubiraino, hau da, Zabalgunea, Indautxu, Abando eta Abandoibarra.
Araudi horren barruan sartzen dira 2000. urtea baino lehen matrikulatutako gasolinazko ibilgailu motordunak eta 2006. urtea baino lehen matrikulatutako dieselak. Murrizketen barruan sartzen dira A etiketa duten ibilgailuak edo nahitaezko bereizgarria ez duten autoak.
Hilabeteek aurrera egin ahala, murrizketak handituko dira. 2025etik aurrera, B ibilgailuek ere mugatuta izango dute zentrorako sarbidea, eta 2030erako, Eco ibilgailuek edo C etiketa dutenek bakarrik zirkulatu eta aparkatu ahal izango dute Bilboko emisio baxuko eremuan.
Hala ere, salbuetsita geratuko dira emisio baxuko eremuan bizi diren pertsonak, ostalariak eta merkatariak, edo mugitzeko arazoak dituztenak, besteak beste. Ibilgailu historikoak ere salbuetsita geratuko dira.
Araudia lanegunetan aplikatuko da, astelehenetik ostiralera, 07:00etatik 20:00etara.
Informazio gehiago nahi baduzu edo zalantzak argitu nahi badituzu, Bilboko Udalaren webgunean edo Ripa kaleko 7. zenbakian dauden bulegoetan edo 946445412 telefonoan egin dezakezu bilaketa. Ordutegia: astelehenetik ostiralera 8,30etatik 18,30etara eta uztaila eta abuztua 8etatik 15etara.
Informazio gehiago hemen. Bideo honetan ere edozein zalantza argitu dezakezue:
.
