Aspace Bizkaiak Bilboko Balioen Gutuna jaso du Juan Mari Aburto alkatearen eskutik, Irakurketa Erraza bertsioan.
Bilboko Udala udal-zerbitzuak eskuragarriago egiteko lanean ari da, eta, horregatik, garatu duen azken dokumentua irakurketa errazean egin du, Braillen inprimatuta, audioan ahozko irakurketarekin eta bideoan azpitituluekin eta zeinu-hizkuntzarekin.
Aspace Bizkaiaren ordezkari gisa, Najwa Dieguez, Irakurketa Errazeko taldearen erabiltzaile eta balidatzailea, eta Laura González, logopeda eta erakundeko Irakurketa Errazeko taldeko kidea ere bertaratu ziren. Biek ala biek modu sinbolikoan jaso zuten alkatearen eta Oihane Agirregoitia herritarren eta nazioartearen arretarako eta partaidetzarako zinegotziaren agiria, Hiribilduaren desgaitasunaren arloan lan egiten duten erakundeetako ordezkariekin batera.
Dokumentu irisgarri honen edizioak Udalak oztopo kognitiboak kentzeko duen konpromisoa sendotzen du, udal-informazio guztia eskuratzea eta ulertzea erraztuz.
