Aspace Bizkaiatik benetako parte-hartze espazioak bultzatzen jarraitzen dugu paralisia zerebrala duten pertsonentzat, baita kultur arloan ere. Horregatik, Gertu Kultura proiektuaren parte gara: Bizkaian kultura hurbilagoa, irisgarriagoa eta inklusiboagoa lortzeko lan egiten duen gizarte, kultura eta herritarren erakundeen sare bat.
Gertu Kultura sarearen bidez, kultura eskaintzaz gozatzeko aukera zabala dugu, eta aldez aurretik jakin dezakegu espazioa eta ikuskizuna irisgarriak diren ala ez. Gainera, sarrera prezio murriztuekin gozatzeko aukera ematen du.
Maiatzaren 12an, Bilboko BBK aretoan Gertu Kultura proiektuaren aurkezpen publikoan parte hartu genuen, beste erakunde askorekin batera. Topaketa hunkigarria izan zen, kulturaren garrantziari eta arlo honetan irisgarritasun kognitiboari buruzko iritziak partekatzeko aukera eman ziguna.
Helburu nagusia da kultura ez izatea kontsumitzen den zerbait soilik, baizik eta partekatzen dena eta aniztasunetik abiatuta eraldatzen dena. Sare honetan parte hartzea beste urrats bat da gizarte inklusiboago bat eraikitzeko, baita kulturaren bitartez ere.
Webgunea bisitatu nahi baduzu, hemen duzu esteka: Proiektua | Gertu Kultura
