Carrefour Fundazio Solidarioak, “Osos PekOSOS” ekimen solidarioari esker, 170.000€ko dohaintza egin die Aspaceren 32 erakunderi. Hala, Aspace Konfederazioaren alde martxan jarritako ekimen horren bitartez, garun paralisia duten 1.500 haurrek erraztasunak jasoko dituzte.
Aspace Bizkaiak garun paralisia duten haurrentzako behaketa, tratamendu eta terapiarako materialez hornitu ditu Bilboko San Inazioko Hezkuntza Bereziko Zentroko 3 ikasgela berriak, haien bizi-kalitatea hobetzeko eta autonomia sustatzeko asmoz.
Ikasgela berri horiek garun-paralisia eta antzeko gaitzak dituzten 15 haur barne hartzeko prestatuta daude. Beren gaixotasunen ondorioz eskola arruntera joan ezin duten pertsonei arreta ematen zaie hezkuntza bereziko zentro honetan, behar duten arreta osoa, aktiboa eta banakakoa eskainita. Modu horretan, gizartean eroso moldatzeko oinarrizko ezagutzak eskuratzen lagundu nahi zaie, euren gaitasunak sendotu eta gizarteratzea errazte aldera.
